ვუძღვნი ბიძის -

მინდია შენგელიას ხსოვნას

იქნებ იმიტომ ვიტირე,

მზემ რომ სხივები დახარა?!

გავინაწილოთ: ჩიტი - მე,

შენ - ეს ჭადარი ჭაღარა. 

დამწიფებული მოცხარი, 

აფახულებდა წამწამებს, 

სიზმარში გნახე ცოცხალი, 

ცხადში სიკვდილი დაგწამეს. 

იქნებ იმიტომ ვიტირე,

მზემ რომ სხივები დახარა?!

გავინაწილოთ: ჩიტი _ მე,

შენ - ეს ჭადარი ჭაღარა. 

2003.

გამოქვეყნებულია წიგნში "ქარიშხლის ტაში" და ჟურ. "მნათობი" 2004წ. 9/12